News Headlines
You are here: Home » வினோதம் » தினமும் 10 சிகரெட்களை ஊதித்தள்ளும் ஆமை

தினமும் 10 சிகரெட்களை ஊதித்தள்ளும் ஆமை


சீனாவில், வீட்டில் வளர்க்கப்படும் ஆமை ஒன்று, ஒரே நாளில், 10 சிகரெட்டுகளை ஊதித் தள்ளுகிறது. எஜமானர் சிகரெட் தர மறுத்தால், வினோத ஒலியை எழுப்பி ஆர்ப்பாட்டத்தில் ஈடுபடுகிறது. சீனாவின், சேங்சுன் நகரைச் சேர்ந்த ஒருவர், சில ஆமைகளை வளர்க்கிறார். சில தினங்களுக்கு முன், ஒரு ஆமையின் கழுத்துப் பகுதியில், ஏதோ சிக்கிக் கொண்டிருப்பது தெரிந்தது. ஆமையின் வாயை பெரிதுபடுத்தி பார்த்த போது, உணவின் சிறு பகுதி, தொண்டையில் சிக்கியிருப்பது தெரிந்தது. இதனால், தொண்டையில் புண் ஏற்பட்டு, ஆமை உணவு உண்பதில் சிரமம் ஏற்பட்டது.

இதையடுத்து, ஆமையின் தொண்டையில் சிக்கிய உணவை அகற்ற முயன்ற போது, வலி தாங்க முடியாமல், உரிமையாளரின் கையை கடித்துவிட்டது. அதிர்ச்சி அடைந்த உரிமையாளர், ஆமையை திசை திருப்பி, அதன் வாயிலிருந்து, தன் கை விரல்களைக் காப்பாற்றிக் கொள்ள, தன் கையில் இருந்த சிகரெட்டை,ஆமையின் வாயில் வைத்தார். சிகரெட்டை வாயில் பிடித்த ஆமை, உரிமையாளரின் கையை, தன் பிடியிலிருந்து விட்டு விட்டது. சிகரெட்டின் போதையில் ஆமை இருந்த போது, அதன் தொண்டையில் சிக்கிய உணவையும் உரிமையாளர் அகற்றிவிட்டார்.

அன்று இரவு, உரிமையாளரின் கையில் சிகரெட்டை பார்த்த ஆமை, வினோதமான குரல் எழுப்பியது. திடீரென ஒலியை அதிகரித்தது.இதைக் கண்டு அதிர்ச்சி அடைந்த உரிமையாளர், அதன் வாயில் மீண்டும் சிகரெட்டை வைத்தார். ஆமையும் தன் சத்தத்தை நிறுத்திக் கொண்டது. இதை தொடர்ந்து, ஆமையின் கண் முன்னால் சிகரெட் பிடிப்பதை நிறுத்திக் கொண்டாலும், தினமும், சிகரெட் கேட்டு ஆமை தொந்தரவு செய்யத் துவங்கியது. சிகரெட் கேட்டு வினோத ஒலி எழுப்பும் ஆமை, சிகரெட் கிடைக்காத வரை உணவு சாப்பிடவும் மறுக்கிறது. இவ்வாறு தினமும், 10 சிகரெட்டுகளை சர்வ சாதாரணமாக ஊதித் தள்ளுகிறது. இதனால் அதிர்ச்சி அடைந்துள்ள ஆமையின் உரிமையாளர், ஆமை சாப்பிட வேண்டும் என்பதற்காகவே, தினமும் சிகரெட் கொடுக்கிறார்.

Leave a Reply

Your email address will not be published. Required fields are marked *

*

Scroll To Top